Зімовая спартакіяда сабрала сяброў

29.01.2024

У суботу, 27 студзеня ў Рэспубліканскім гарналыжным комплексе «Сілічы» сабраліся работнікі арганізацый Кіраўніцтва справамі Прэзідэнта Рэспублікі Беларусь на вялікае спартыўнае свята. 

Зімовая спартакіяда сабрала каля 200 удзельнікаў і шматлікіх балельшчыкаў і гасцей. Гэта спартыўнае свята Кіраўніцтва справамі Прэзідэнта Рэспублікі Беларусь прысвяціла 80-годдзю вызвалення Беларусі ад нямецка-фашысцкіх захопнікаў.

Ужо па традыцыі для ўдзелу ў спартакіядзе работнікі арганізацый аб'ядналіся ў сем зборных каманд па сферах дзейнасці.

Праграма зімовай спартакіяды складалася з 7 відаў спаборніцтваў: 

• змяшаная біятлонная эстафета;
• трапны хакеіст;
• лазертаг;забегі на каньках з элементамі фігурнага катання;
• лыжныя гонкі з перашкодамі;
• кёрлінг (сярод кіраўнікоў);
• стральба з пнеўматычнай вінтоўкі (сярод кіраўнікоў).
   

Санаторый "Баравое" ў камандзе работнікаў арганізацый аховы здароўя, турызму і адпачынку "Белыя тыгры" прадстаўляў старшыня прафсаюзнага камітэта Сяргей Дзятлаў, які змагаўся за званне лепшага лыжнага гоншчыка і трапнага стралка ў змяшанай біятлоннай эстафеце.

Варта адзначыць, што ў гэтай эстафеце ўсе ўдзельнікі выступалі на фірмовых лыжах «Целяханы», якія вырабляе філіял прадпрыемства Кіраўніцтва справамі Прэзідэнта «Беларусьгандаль».

Сярод сямі моцных каманд заслужаную перамогу атрымала каманда "Белыя тыгры"!

Незалежна ад месцаў у выніковым пратаколе зімовай спартакіяды, усе яе ўдзельнікі і госці атрымалі зарад бадзёрасці і выдатнага настрою. Гэта было свята спорту, сяброўства і адзінства.