Рубрыка " Бывайце здаровы!". Астэахандроз - прычыны, сімптомы, лячэнне і прафілактыка.

04.07.2024

Што такое астэахандроз?

Астэахандроз - гэта хранічнае захворванне пазваночніка, выкліканае дэгенератыўнымі зменамі ў міжпазваночных дысках і суставах. Выяўляецца болямі ў спіне, абмежаваннем рухомасці і іншымі непрыемнымі сімптомамі. Прычынамі развіцця астэахандрозу могуць быць парушэнні паставы, перагрузкі пазваночніка, сядзячы лад жыцця, перанесеныя траўмы і іншыя фактары.

Астэахандроз з'яўляецца адным з найбольш распаўсюджаных захворванняў пазваночніка і можа значна пагоршыць якасць жыцця пацыента. Болі ў спіне, абмежаванне рухомасці і іншыя сімптомы могуць абмежаваць звычайныя паўсядзённыя актыўнасці і прывесці да значнага дыскамфорту. Таму важна звяртацца да спецыялістаў для своечасовага дыягнаставання і лячэння захворвання.

Да асноўных сімптомаў паталагічных змен у пазваночніку у дарослых адносяць:

• Боль, якая можа паўстаць у шыі, плячах, паясніцы і нават у рэбрах
• Адчуванне скаванасці ў спіне і паясніцы
• Здранцвенне канечнасцяў
• Спазмы цягліц або адчуванне слабасці ў іх
• Дрыжыкі і ламота ў целе
• Падвышаная стамляльнасць
• Галавакружэння і галаўныя болі, справакаваныя зашчымленне нервовых канчаткаў.

Лячэнне астэахандрозу

Лячэнне астэахандрозу патрабуе комплексны падыход, які ўключае розныя методыкi і працэдуры. Важна спалучаць розныя метады, такія як фізіятэрапія, масаж, лячэбная гімнастыка, медыкаментознае лячэнне.

Фізіятэрапія дапамагае ўмацаваць мышцы спіны і палепшыць кровазварот, што спрыяе аднаўленню тканін. Медыкаментозная тэрапія можа даць палёгку ад болю і запалення. Акрамя таго, важна прытрымлівацца рэкамендацый па змене ладу жыцця і догляду за хрыбетнікам.

Таксама важна звярнуць увагу на прафілактычныя меры, такія як правільнае становішча цела, ўмераная фізічная актыўнасць і падбор правільнага матраца.

Прафілактыка астэахандрозу грае важную ролю ў захаванні здароўя пазваночніка. Рэгулярныя практыкаванні, правільнае харчаванне, кантроль за вагой і пазбяганне шкодных звычак дапамогуць прадухіліць развіццё захворвання. Таму важна сачыць за сваім здароўем і звяртацца за дапамогай да спецыялістаў пры першых прыкметах праблем са спіной.

У санаторыі "Баравое" мы прапануем комплексную праграму па лячэнні і прафілактыцы астэахандрозу  "З клопатам пра спіну", якая ўключае ўсе неабходныя працэдуры для лячэння розных аддзелаў хрыбетнага слупа ( падводны душ-масаж, высокаэфектыўныя віды магнітатэрапіі, электрапрацэдуры для зняцця болевага сіндрому і цягліцавага гіпертонуса, гразелячэнне, водныя працэдуры, лячэбная фізкультура).  Пры неабходнасці нашы лекары распрацуюць індывідуальную праграму для кожнага госця, улічваючы яго асаблівасці і ступень захворвання. Мы выкарыстоўваем сучаснае абсталяванне і методыкі, якія дапамогуць палепшыць стан пазваночніка і палегчыць сімптомы астэахандрозу.

Мы запрашаем усіх, хто сутыкнуўся з праблемамі пазваночніка, наведаць наш санаторый і атрымаць кваліфікаваную дапамогу ў барацьбе з астэахандрозам. Памятаеце, здароўе вашага пазваночніка - залог добрага самаадчування і актыўнага ладу жыцця.

Намеснік дырэктара

па медыцынскай частцы В. М. Iзафатаў

для рубрыкі "Бывайце здаровы"