Рашэнні для будучыні: справаздачна-выбарны сход прафсаюза ў фокусе

18.06.2024

Сёння ў санаторыі "Баравое" адбылася знамянальная падзея - справаздачна-выбарны сход прафсаюзнай арганізацыі. Супрацоўнікі санаторыя сабраліся, каб падвесці вынікі працы за мінулы перыяд і вызначыць вектар руху на будучыню. На сходзе прысутнічаў старшыня Мінскай абласной арганізацыі Беларускага прафесійнага саюза работнікаў дзяржаўных і іншых устаноў Уладзімір Філімонаў.

На сходзе прагучала падрабязная справаздача старшыні ПК Сяргея Дзятлава аб дзейнасці прафсаюза за мінулы год. Былі прадстаўлены вынікі работы па абароне правоў і інтарэсаў супрацоўнікаў, арганізацыі культурных і спартыўных мерапрыемстваў, а таксама па паляпшэнні ўмоў працы. Справаздача таксама асвятліла удзел прафсаюза ў сацыяльных праграмах і ініцыятывах, накіраваных на павышэнне дабрабыту работнікаў.

Са справаздачай рэвізійнай камісіі выступіла Кацярына Красоўская.

З перспектывамі развіцця беларускага прафесійнага саюза, прыярытэтнымі напрамкамі работы на наступны перыяд азнаёміў Уладмімір Філімонаў. Ён жа ўручыў грамату ад Мінскай абласной арганізацыі Беларускага прафесійнага саюза работнікаў дзяржаўных і іншых устаноў старшыні ПК Сяргею Дзятлаву.

Ключавым момантам сходу сталі выбары новага складу прафкама.  У ходзе галасавання быў абраны новы прафкам, гатовы адстойваць інтарэсы работнікаў санаторыя і актыўна ўдзельнічаць у развіцці ўстановы. Старшынёй прафсаюзнага камітэта санаторыя "Баравое" зноў абраны Сяргей Дзятлаў.

 Сход прайшоў у канструктыўнай атмасферы, прадэманстраваўшы згуртаванасць калектыву і яго зацікаўленасць у развіцці санаторыя "Баравое". Новы прафкам ужо прыступіў да працы, імкнучыся забяспечыць камфортныя ўмовы працы для ўсіх супрацоўнікаў, а таксама працягнуць працу па павышэнні якасці аказваемых паслуг.

Санаторый "Баравое" - гэта не проста месца адпачынку і лячэння, гэта сям'я, дзе кожны член калектыву каштоўны і важны. Прафсаюз з'яўляецца гарантам абароны правоў і інтарэсаў работнікаў, спрыяючы стварэнню спрыяльнай атмасферы для працы і творчасці.