Новая зала ЛФК расчыніла свае дзверы гасцям санаторыя "Баравое"

05.04.2024

Лячэбная фізкультура і звычайныя трэніроўкі ў зале – гэта два розныя падыходы да заняткаў фізічнай актыўнасцю. Лячэбная фізкультура накіравана на аднаўленне і паляпшэнне здароўя, яна выкарыстоўваецца для прафілактыкі і лячэння розных захворванняў і траўмаў. Звычайныя трэніроўкі ў зале, у сваю чаргу, часцей за ўсё накіраваны на павелічэнне фізічнай вынослівасці, мышачнай сілы і фарміраванне спартыўных навыкаў.

У здраўніцах аддаецца перавага менавіта лячэбнай фізкультуры. Яе ўжываюць у комплекснай тэрапіі кардыялагічных, артапедычных, неўралагічных, пульманалагічных, траўматалагічных захворванняў. Таксама на ЛФК накіроўваюць пацыентаў з дыягназамі па эндакрыналогіі, гінекалогіі, з праблемамі ЖКТ. Гэта універсальны спосаб лячэння дзяцей і дарослых.

Лячэбная фізкультура ў санаторыі "Баравое" праводзіцца пад кіраўніцтвам дасведчанага спецыяліста, які вучыць кожнага госця спецыяльным практыкаванням і методыкам для аднаўлення здароўя. Заняткі мяркуюць больш мяккія і далікатныя практыкаванні, якія дазваляюць паступова аднаўляць здароўе без рызыкі пагаршэння праблемы, улічваць індывідуальныя патрэбы, дапамагаць правільна арганізаваць трэніроўку, своечасова выправіць памылкі ў выкананні практыкаванняў і падабраць аптымальную нагрузку.

У новай зале ЛФК санаторыя адкрываюцца шырокія магчымасці для паляпшэння здароўя і павышэння фізічнай актыўнасці. Дзякуючы новым методыкам, незвычайнаму дызайну памяшкання і сучаснаму абсталяванню заняткі сталі яшчэ больш прыемнымі i эфектыўнымі.