За намі будучыня! У Бярэзінскім запаведніку адбыўся маладзёжны форум

06.10.2023

На базе ДПУ "Бярэзінскі біясферны запаведнік" 6 кастрычніка 2023 года прайшоў маладзёжны форум работнікаў арганізацый Кіраўніцтва справамі Прэзідэнта Рэспублікі Беларусь на рэгіянальным узроўні «Моладзь і будучыня».

У ім прымалі ўдзел больш за 60 супрацоўнікаў ва ўзросце ад 18 да 31 года арганізацый: ДПУ "Бярэзінскі біясферны запаведнік" ; ДЛГУ "Цяцерынскае", ДУ "Санаторый "Баравое" і РПТУП "Беларусьгандаль" Кіраўніцтва справамі Прэзідэнта Рэспублікі Беларусь.

У рамках форуму адбылася дыялогавая пляцоўка, на якой абмяркоўваліся пытанні гістарычнай памяці, сямейных каштоўнасцяў, падтрымкі моладзі ў рэалізацыі прафесійных і творчых магчымасцяў, стварэння спрыяльных умоў для яе развіцця і самарэалізацыі, а таксама занятасці і кар'ернага росту.